Երևանի քաղաքապետարանի տեղեկատվության և հասարակայնության հետ կապերի վարչությունից «Առաջին լրատվական»-ին տեղեկացնում են, որ Երևանի քաղաքապետ Տարոն Մարգարյանն այսօր ընդունել է «Հրազդան» մարզադաշտի փրկությանը նվիրված բողոքի երթի մասնակիցներին:
Երևանի քաղաքապետն ասել է, որ մեծ կարևորություն է տալիս հասարակության կարծիքին, միաժամանակ նշել, որ «Հրազդան» մարզադաշտի ղեկավարությունը դեռ չի դիմել քաղաքապետարան` մարզադաշտի հարևանությամբ առևտրի կենտրոն կառուցելու համար:
Քաղաքապետը խոստացել է նման դիմում լինելու դեպքում հաշվի առնել հասարակության, մասնավորապես ֆուտբոլասերների կարծիքը` թույլ չտալով նման առևտրի կենտրոնի կառուցմանը:
