Մեծ Բրիտանիայում կազմվել է 20-րդ դարի գլխավոր ջենտլմենները ցուցակը: 50 անունից բաղկացած ցուցակի մեջ են մտել տարբեր ոլորտների ներկայացուցիչներ՝ սկսած քաղաքագետներից մինչև մարզիկներ և դերասաններ: Ինչպես հաղոդում է The Daily Mail-ը, աղյուսակը կազմվել է սոցիոլոգիական հարցումների հիման վրա, որին մասնակցել է շուրջ 4000 բրիտանացի:
Այսպես, ջենտլմենների ցուցակը գլխավորում է Ուինսթոն Չերչիլը, որը Երկրորդ համաշխարհային պատերազմի տարիներին զբաղեցնում էր Բրիտանիայի վարչապետի պաշտոնը: Հետազոտությունն անցկացրած սոցիոլոգները նշել են, հարցման մասնակիցների ընտրությունը առավել քան արժանի են համարում:
Թոփ-50-ում երկրորդ տեղը զբաղեցրել է հեռուստահաղորդավար և նատուրալիստ սըր Դևիդ Ատտենբորոն: 85-ամյա Դևիդը մի շարք վավերագրական ծրագրերերի և բնության մասին բազմասերիանոց ֆիլմերի հեղինակ և ռեժիսոր է: Վերջերս նա հանդիսատեսին ներկայացրեց Frozen Planet հաղորդումների շարքը Արկտիկայի և Անտարկտիդայի վայրի բնության մասին:
Երրորդ հորիզոնականում հայտնվել է հեռուստահաղորդավար և դերասան Սթիվեն Ֆրայը, որին, ինչպես կարծում է պարբերականը, գնահատել են ինտելեկտուալ և երգիծական հեռուստատեսության զարգացման ոլորտում իր ներդրման համար: Բրիտանացի ջենտլմենների ցուցակում են հայտնվել նաև Դևիդ Բեքհեմը (9-րդ հորիզոնական), Հյու Գրանտը (12-րդ հորիզոնական), Հյու Լորին (18-րդ հորիզոնական), արքայազն Հարին (24-րդ հորիզոնական), Բրայան Ֆերրին (37-րդ հորիզոնական), Ռոբերտ Պատտինսոնը (43-րդ հորիզոնական) և այլք:
Լավագույն տասնյակն ունի հետևյալ տեսքը.
1. Սըր Ուինսթոն Չերչիլ
2. Սըր Դևիդ Ատտենբորո
3. Սթիվեն Ֆրայ
4. Արքայազն Ուիլյամ
5. Քոլին Ֆերտ
6. Դևիդ Նիվեն
7. Ռոջեր Մուր
8. Մայքլ Քեյն
9. Դևիդ Բեքհեմ
10. Բրյուս Ֆորսայթ