Բրիտանացի հետազոտողները պարզել են, որ մարդիկ սրտացավ չեն վերաբերվում աղքատներին և գործազուրկներին:
Ինչպես հաղորդում է BBC-ն, հարցվածներից ամեն չորրորդը վստահ է, որ աղքատությունը ալարկոտության և թուլակամության հետևանք է, իսկ բրիտանացիների գրեթե կեսը կարծում է, որ գործազրկության համար նախատեսված նպաստները շատ բարձր են:
Տնտեսական դժվարությունների ժամանակ անցկացված համանման հետազոտությունները ցույց են տվել, որ ավելի հանդուրժողական վերաբերմունք են դրսևորել չքավորների նկատմամբ:
Սոցիոլոգիական ուսումնասիրությունների ազգային կենտրոնի հարցումը ցույց է տվել, որ Բրիտանիայի բնակչությունը ավելի վճռական է տրամադրված հարկերի բարձրացման դեմ, որոնք նախատեսված են սոցիալական բնագավառում ֆինանսավորման համար:
Վերլուծաբանների կարծիքով՝ հարցումները ցույց են տվել, որ մարդիկ ավելի շատ հույսը դնում են իրենց ուժերի վրա, քան կառավարության:
