Ռուսական ВЗГЛЯД թերթը, վկայակոչելով վրացական «Պիրվելի» լրատվական գործակալությանը, հայտնում է, որ Վրաստանի Սաչխերի շրջանի Չորվիլա գյուղի միջնակարգ դպրոցի տնօրեն Նուկրի Գոգատիշվիլին հեռացվել է աշխատանքից։ Որպես դրա պատճառ է նշվում Գոգատիշվիլիի կողմից ընդդիմադիր միլիարդատեր Բիձինա Իվանիշվիլիի առողջության համար կենաց խմելը։
Նշվում է, որ Իվանիշվիլին նույնպես սերում է այդ գյուղից։ «Պիրվելի»-ի աղբյուրը հայտնել է, որ վրացական իշխանությունները գյուղացիներին կոչ են անում հրաժարվել Իվանիշվիլիի անունից ստացվող ամսական դոտացիաներից։ Սակայն գյուղապետարանը չի հաստատում այս ամենը։
