Չինաստանի հանրային անվտանգությունն ապահովող նախարարության ներկայացուցիչը հայտնել է, որ երկրի ոստիկանությունը 1 օրվա ընթացքում ձերբակալել է 608 մարդու, որոնք կասկածվում են երեխաների առքուվաճառքի մեջ:
Ինչպես հայտնում է Reuters գործակալությունը, հատուկ գործողությունների ժամանակ, որը տեղի է ունեցել երկրի տասը մարզերում, ոստիկաններին հաջողվել է ազատ արձակել 178 երեխայի:
Այս տարվա մայիսին ոստիկանությունը տեղեկություն էր ստացել, որ Սիչուան մարզում հանցավոր խմբավորումը տեղափոխել և վաճառել է 26 երեխայի:
Չինաստանում, որտեղ ուժեղ վերահսկողության տակ է գտնվում ծնելիությունը, երեխաների առքուվաճառքը շատ տարածված հանցագործություն է:
