ՆՓԱԿ-ում բացվել է «Արդյունաբերական սիմֆոնիա» խորագրով լուսանկարչական ցուցադրությունը, որը կշարունակվի մինչև հունվարի վերջը: Փետրվարին նոր միայն կունենան նոր ցուցադրություն:
Ինչպես «Առաջին լրատվական»-ի հետ զրույցում տեղեկացրեց ՆՓԱԿ-ի կերպարվեստի բաժնի տնօրեն Սեդա Շեկոյանը, ցուցահանդեսը նախապատրաստվում էր շուրջ մեկ տարի և նվիրված է արդյունաբերական գեղագիտության թեմային ու լուսանկարչությանը:
Ցուցահանդեսին մասնակցում են տարբեր տարիքի շուրջ 19 լուսանկարիչներ` Նազիկ Արմենակյանը, Գարիկ Ավանեսյանը, Աննա Ավետիսյանը, Հայկ Բարսեղյանը, Հայ Բիանջյանը, Դավիթ Գալստյանը, Հակոբ Մաճառյանը, Սուրեն Մանվելյանը և այլք:
Ցուցահանդեսի համադրողը ավստրալաբնակ Վիգեն Գալստյանն է, կազմակերպիչները`«Լուսադարան» լուսանկարչության հայկական հիմնադրամն ու «ՌեԱրկ» ճարտարապետական միջավայրի ուսումնասիրության կենտրոնը:
Դեկտեմբերի 9-ին` ժ. 17:00-ին, «Արդյունաբերական սիմֆոնիայի» շրջանակում ՆՓԱԿ-ում արդյունաբերական էսթետիկայի մասին դասախոսություն կկարդա արվեստաբան Հրաչ Գալստյանը: Վերջին իր զրույց դասախոսության ընթացքում կխոսի արդյունաբերական ճարտարապետության և տեղայնքի էսթետիկայի հատկանիշների, փիլիսոփայական և սոցիալական նշանակությունների, նաև դրա այսօրվա էականության մասին:
Ի դեպ, ՆՓԱԿ-ը դեկտեմբերի 15-ից մեկ ամսով գնում է ձմեռային արձակուրդի:
