ԱԺ փոխնախագահի թեկնածու առաջադրված Էդուարդ Շարմազանովն իր ելույթում կարևորեց ժողովրդավարության խնդիրները, Հայաստանի և Արցախի Ազգային ժողովների արդյունավետ փոխհամագործակցությունը և այլն:
«Ժառանգություն» խմբակցության ղեկավար Ստյոպա Սաֆարյանը նկատեց, որ «ժողովրդավարություն» ասվածը չի նշանակում հաղթողի կեցվածքով վերցնել ամեն-իչ և հարցադրում արեց, թե ինչպիսին կլիներ Է. Շարմազանովի տեսակետը, եթե այդ «համեստ աթոռը» զբաղեցներ ընդդիմության ներկայացուցիչը:
«Ժողովրդավարությունը մեծամասնության իշխանությունն է, որ հաշվի է նստում փոքրամասնությունների հետ»,- պատասխանեց Է. Շարմազանովը և հիշեցրեց, որ ժամանակին առաջարկել է ԱԺ սոցիալական հարցերի հանձնաժողովի պաշտոնում առաջարկել «Ժառանգության» ներկայացուցչի թեկնածությունը:
Պատգամավոր Անահիտ Բախշյանը Է. Շարմազանովից հետաքրքրվեց, թե ինչպե՞ս պետք է դիմի նրան, եթե մինչ այս Էդիկ էր ասում:
Շարմազանովի պատասխանը չուշացավ. «Դահլիճում՝ պրն Շարմազանով, անձնական շփումների ժամանակ՝ Էդիկ»: