Интерфакс գործակալության փոխանցմամբ՝ Հարավային Օսիան ժամանակավորապես փակել է Ռուսաստանի հետ իր սահմանը։ Այս մասին հայտնում են Հարավային Օսիայի իրավապահ մարմինները։
Վերջիններս ընդգծում են, որ դա իրականացվել է միայն ժամանակավորապես, և այդ քայլը պայմանավորված է հանրապետությունում առկա քաղաքական իրավիճակով և արվել է ամեն տիպի սադրանքների կանխման համար։
Սահմանը հատել ցանկացող քաղաքացիներին խորհուրդ է տրվել ժամանակավորապես զերծ մնալ դրանից։ Ներկայումս չի մանրամասնվում, թե երբ կբացվի սահմանը։
Հիշեցնենք, որ Հարավային Օսիայի նախագահ Էդուարդ Կոկոյտին Հարավային Օսիայում ստեղծված իրավիճակը համեմատել էր «նարնջագույն հեղափոխության» փորձի հետ, որին, նրա պնդմամբ, հովանավորում են Վրաստանի հատուկ ծառայությունները։
