Ազգային ժողովում այժմ շարունակվում է 2012 թ. պետական բյուջեի նախագծի քննարկումը: Ֆինանսների նախարար Վաչե Գաբրիելյանը ներկայացրեց, որ պատգամավորների և մշտական հանձնաժողովների կողմից 500 առաջարկություն է ներկայացվել: Դրանց հիմնական մասը վերաբերում է պետբյուջեի եկամտային մասի համալրմանը, տարբեր ծրագրերի ֆինանսավորման ապահովմանը և դրանց գումարների ավելացմանը:
Եկամտային մասով առաջարկները կազմել են շուրջ 1 տրլն 100 մլրդ դրամ: Ծախսերի մասով հստակ հաշվարկված առաջարկները կազմում են 415.7 մլրդ դրամ: Մասնավորապես, Վ.Գաբրիելյանի խոսքով, առաջարկվում էր սոցիալական, մշակութային, տնտեսության, պաշտպանության և այլ ոլորտներում ավելացումներ: ՀՀ կառավարությունն ընդունել է 135 առաջարկություն, որը կազմում է ընդհանուրի 27%-ը:
«Եկամտային մասի ավելացումը չպետք է արվի տնտեսության վրա անհարկի բեռի, միջավայրը խեղդելու ու ճնշումների արդյունքում»,-ասաց նախարարը:
