ԱՄՆ-ը պատրաստվում է ավելի շատ միջոցներ տրամադրել և ավելի մեծ աջակցություն ցուցաբերել Ռուսաստանի ոչ կառավարական կազմակերպություններին՝ մարտին կայանալիք նախագահական ընտրությունների թափանցիկությունն ապահովելու համար: Այս մասին, ինչպես հաղորդում է РИА Новости-ն, հայտարարել է ԱՄՆ պետդեպարտամենտի ներկայացուցիչ Մարկ Թոները:
«Մենք պետք է 9 միլիոնից ավելի շատ ծախսենք Ռուսաստանի առաջիկա ընտրությունների (նախագահական.-1in.am) թափանցիկ գործընթացն ապահովելու համար: Դուք գիտեք, որ մեր շահերից է բխում պաշտպանել ոչ կառավարական կազմակերպություներին, և հենց գործընթացը, այլ ոչ թե առանձին կուսակցությունների»,- ասել է Թոները՝ պատասխանելով այն հարցին, թե արդյոք ԱՄՆ-ը որևէ աջակցություն ցուցաբերե՞լ է ռուսական կուսակցություններին և հասարակական կազմակերպություններին:
Պետդեպարտամենտի 2012 թ. ֆինանսական տարվա բյուջեում նախատեսվում է 9 միլիոնից մի փոքր ավելի հատկացնել Ռուսաստանի ոչ կառավարարական կազմակերպություններին աջակցության համար:
Իսկ հարցին՝ արդյոք ընտրությւոններում գրանցված խախտումներից հետո ԱՄՆ-ը չի՞ պատրաստվում դադարեցնել «վերաբեռնավորման» քաղաքականությունը Ռուսաստանի հետ, պետդեպարտամենտի ներկայացուցիչը բացասական է պատասխանել:
