ԱՄՆ-ում երկու հանրապետական սենատորներ պակիստանյան բազայի վրա ՆԱՏՕ-ի օդուժի հարվածներից հետո կոչ են անում վերանայել հարաբերությունները Պակիստանի հետ: Այս մասին հաղորդում է Reuters գործակալությունը:
«Ժամանակն է, որ ԱՄՆ-ն ամբողջությամբ վերանայի հարաբերությունները Պակիստանի հետ, մասնավորապես՝ Պակիստանի տնտեսական անվտանգությանը և տնտեսական օգնությանը»,- ասվում է սենատոր Ջոն Մաքքեյնի և Լինդսի Գրեմի հայտարարության մեջ:
ԱՄՆ նախագահի նախկին թեկնածուներ Մաքքեյնը և Գրեմը, որոնք ընդգրկված են զինված ուժերի հարցերով Սենատի կոմիտեի մեջ, կոչ են անում Վաշինգտոնին ռեալ նայել Պակիստանի հետ հարաբերություններին, որը, նրանց կարծիքով, սպառնում է ԱՄՆ անվտանգությանը:
Երկու երկրների միջև հարաբերությունները կտրուկ վատացան մայիսին Ուսամա բեն Լադենի չեզոքացումից հետո և էլ ավելի սրվեցին, երբ անցյալ հանգստյան օրերին ՆԱՏՕ-ի ուժերը օդային հարված հասցրին պակիստանյան անցակետին, որի հետևանքով զոհվեց 25 սահմանապահ:
Reuters-ը հիշեցնում է, որ 2001 թվից սկսած՝ ԱՄՆ-ը շուրջ 20 մլրդ դոլար է ծախսել Պակիստանի անվտանգության ապահովման և երկրի տնտեսական զարգացման համար:
