«Չենք լռելու» երիտասարդական նախաձեռնությունից «Առաջին լրատվական»-ին տեղեկացնում են, որ ի պատասխան «Բանակում ծառայած երիտասարդների նախաձեռնության» հայտարարության, թե «Չենք լռելու»-ի անդամները չեն ծառայել բանակում, հայտնում են, որ «Չենք լռելու»-ի ցանցը Երևանում և մարզերում կազմված է 102 անդամից:
Նրանցից արական սեռի ներկայացուցիչներ են 57-ը, որոնցից 51-ը սահմանված կարգով ծառայել է բանակում, 2-ը սովորում է ասպիրանտուրայում, իսկ 4-ը չեն ծառայել առողջական պատճառներով:
«Այդ 4-ից 1-ն ազատվել է մինչև զորակոչվելը, իսկ 3-ը վաղաժամ զորացրվել են զինծառայության ընթացքում առողջական վիճակի վատթարացման պատճառով»,- հայտարարում է «Չենք լռելու»-ն՝ ընդգծելով, որ նախաձեռնությունը բարձր է գնահատում «Բանակում ծառայած երիտասարդների նախաձեռնության» անդամների բանակում ծառայած լինելու հանգամանքը, սակայն, միևնույն ժամանակ, հայտնում, որ բանակում ծառայելը մենաշնորհ չէ:
«Միևնույն ժամանակ, հարկ ենք համարում նշել, որ իրո՛ք առողջական պատճառներով զորացրված անձանց կողմից բանակի վիճակի համար մտահոգված լինելը չի կարող քննադատության առիթ դառնալ զուտ այն պատճառով, որ նրանք չեն ծառայել բանակում»,- հայտարարում է «Չենք լռելուն»։
