Նախօրեին ՌԴ-ում տեղի ունեցած Պետական դումայի ընտությունները խախտումների և կեղծումների առումով կարող են ճանաչվել ռեկորդային: Այս ամենը ֆիկսել են նաև տեսախցիկները: Այս անգամ ավանդական լցոնումներին գումարվել են նաև հաշմանդամների փոխարեն քվեարկելը, ցուցակներում լրացուցիչ ազգանունների հայտնվելը, բռնարարքներն ընտրական հանձնաժողովների և դիտորդների նկատմամբ: Մի քանի քաղաքներում նույնիսկ հարձակվել են ընտրական հանձնաժողովի անդամների վրա և ծեծել ընտրողներին:
Չնայած տարբեր կուսակցությունների ներկայացուցիչներ ամբողջ օրը հայտնել են զանգվածային խախտումների մասին, անկախ միջազգային դիտորդները նախապես ասել էին, որ Պետդումայի ընտրություններն այս տարի անցնում են բարձր մակարդակով, իսկ խախտումները կրել են տեխնիկական բնույթ,- հայտնում է Известия թերթը: Օտարերկրացիներին տարօրինակ է թվացել միայն քվեարկության համար նախատեսված տաղավարում վարագույրների բացակայությունը, որի հետևանքով մարդիկ ստիպված էին փաստացի հանրային կատարել իրենց քվեարկութունը:
Կենտրոնական ընտրական հանձնաժողովում ոչ մի լուրջ խախտում չեն նկատել: РИА Новости-ի փոխանցմամբ՝ Կենտրոնական ընտրական հանձնաժողովի «թեժ գիծ» «իրականացվող խախատումների» մասին ոչ մի հաղորդագրություն չի եկել: 1700 հաղորդագրությունների 62 տոկոսում ընտրողները դիմում էին տեղեկություն և ինչ-ինչ բացատրություններ ստանալու համար:
