Մրցույթի արդյունքում լավագույն կայքերին մրցանակներ տրվեցին հետևյալ անվանակարգերում. «Դիզայն և հարմարավետություն»` armenianmonuments.org, «Նորարարություն»` annoisy.org, «Տեխնիկական կատարում»` yerevan.am, «Բովանդակություն»` genocide-museum.am, «Տարվա առաջընթաց»` parliamentmonitoring.am, «Ժողովրդական ընտրություն» (sms քվեարկությունների միջոցով)` newsinfo.am, Orange-ի սահմանած «Լավագույն մոբայլ կայքի» մրցանակին արժանացավ m.lragir.am կայքը: Ժյուրիի որոշմամբ «անակնկալ» մրցանակ հանձնվեց granish.org կայքին, որը ներկայացնում է ժամանակակից գրական մշակույթը, ժյուրիի «հատուկ» մրցանակի արժանացավ Գյումրիի «Ասպարեզ» ակումբի publicdata.am կայքը, որում ներկայացվում են պետական ծախսերը:
Մրցույթի յուրաքանչյուր փուլում հավաքած ձայների հանրագումարով ArmNet Awards-2011-ի Գլխավոր մրցանակը շնորհվեց parliamentmonitoring.am կայքին: Ժյուրիի նախագահ Սամվել Մարտիրոսյանը նշեց, որ այս մրցանակը «մի քիչ ավանսով» է տրվում: Նա դրվատանքով խոսեց կայքի հեղինակների աշխատանքը ու նկատեց. «Ես այստեղից իմացա, որ մի քանի օր առաջ youtube-ում հանրաճանաչ դարձած Առաքել Մովսիսյանը` Շմայսը, Ազգային Ժողովում մինչև իր հայհոյանքը ոչ մի ելույթ չէր ունեցել»:
Մրցանակաբաշխության գեղագիտական մասն ապահովեց Ռեինկարնացիա խումբը:
Հիշեցնենք, որ մրցույթը կազմակերպել էին SP Marketing Solutions, «Orange Արմենիա» ընկերությունները և «Հայաստանի ինտերնետ հանրություն» ՀԿ-ն: