Այսօր Հաշմանդամների միջազգային օրն է: Հայաստանը նույնպես նշում է օրը զանազան միջոցառումների տեսքով:
Ֆրանս-հայկական զարգացման հիմնադրամը, որպես ոլորտում ծրագրեր իրականացնող կազմակերպություն, նույնպես նշում է Հաշմանդամների միջազգային օր: Հիմնադրամի ջանքերով ֆիլմ է նկարահանվել «Խուլեր, հնարավոր երկխոսություններ» ծրագրի ավարտին:
«Այսօր ներկայացնելու ենք ֆիլմը «Մոսկվա» կինոթատրոնի կապույտ դահլիճում, նաև «Փարոս» երգչախումբն է հանդես գալու: Նախատեսվում են ողջույնի խոսքեր և ֆիլմի ցուցադրություն: Ներկա են լինելու, իհարկե, ֆիլմի հերոսները, կինոռեժիսորը»,- «Առաջին լրատվական»-ին տեղեկացրին Ֆրանս-հայկական զարգացման հիմնադրամի մամլո ծառայությունից`հավելելով, որ հիմնականում խուլերով են զբաղվում:
Մամլո ծառայությունը նաև տեղեկացրեց, որ ստեղծվել է «Դիալոգ» կենտրոն ԵՄ-ի ֆինանսավորմամբ, որտեղ խուլերը հնարավորություն ունեն հոգեբանական, ֆիզիկական, սոցիալական, իրավաբանական օգնություն և խորհրդատվություն ստանալ:
