Գիտնականները պարզել են, որ դեռահաս տարիքում սեռական կյանքով զբաղվելը հետագա կյանքում տրամադրության անկման, ուղեղի զարգացման մեջ փոփոխությունների, ավելի փոքր վերարտադրողական հյուսվածքների պատճառ կարող է դառնալ:
Ըստ Mail Online-ի՝ Օհայոյի պետական համալսարանի հետազոտողները պարզել են, որ այս փոփոխությունները կարող են տեղի ունենալ, քանի որ սեռական փորձի ձեռք բերումը տեղի է ունենում, երբ ուղեղը դեռ զարգացման գործընթացի մեջ է:
Գիտնականների համար նման հայտարարություն անելու հիմք է հանդիսացել 40 օրական համստերների վրա արված հետազոտությունը: Նրանք զբաղվել են սեռական կյանքով, որից հետո նրանց ակտիվությունը, ուղեղի զարգացումը համեմատվել է ավելի բարձր տարիքի համստերների միևնույն տվյալների հետ:
Երիտասարդ համստերները սեռական ակտից հետո ավելի քիչ ակտիվություն են ցուցաբերել, որը կարող է հոգեկան սթրեսի պատճառ լինել, ինչպես նաև դանդաղել է նրանց ուղեղի զարգացումը:
Այնուամենայնիվ, հետազոտության համահեղինակ Զախարի Վեիլն ասել է, թե միանշանակ չէ, որ նույն գործընթացը տեղի է ունենում նաև մարդկանց մոտ, սակայն դա շատ հավանական է: Նա նաև ասել է, որ հարկավոր են նոր հետազոտություններ, ինչպես նաև՝ հոգեբանական հատուկ վերլուծություն` պարզելու համար, թե արդյո՞ք նույն փոփոխությունները տեղի են ունենում նաև մարդկանց մոտ: