Այսօր ԱՄՆ-ը Իրաքից հեռանալու կարևորագույն քայլերից մեկն է արել` կառավարությանը վերադարձնելով ամենակարևոր ռազմական բազան, որը գտնվում է Բաղդադի օդանավակայանի մոտ: Այնտեղ մինչ իր մահապատիժն ապրել է գերի ընկած Սադամ Հուսեյնը :
«Հաղթանակ» բազաների համալիրը, որը շրջապատված է պայթուցիկներով պատված, 42 կիլոմետր երկարություն ունեցող պատով, ԱՄՆ-ի հիմնական կենտորններից էր 2003 թվականից, երբ ամերիկյան զորքերն առաջին անգամ մտան մայրաքաղաք և հանեցին Սադամի արձանը:
«Հաղթանակ» բազայի վերադարձնելը Իրաքի կառավարությանը չափազանց կարևոր քայլ էր ԱՄՆ-ի կողմից այն շրջանում, երբ նա Իրաքից հանում է իր զորքերը, և երբ այժմ Վաշինգտոնը հաստատում է իր դիրքերը Բաղդադում` Տիգրիս գետի վրա կառուցելով իր դեսպանատունը:
Reurers-ը գրում է, որ ԱՄՆ պաշտոնյայի հայտարարության համաձայն՝ ընդամենը 500 զինվոր է մնացել մայրաքաղաքում:
Մոտ 12.000 զինվորներ դեռ Իրաքում են։ Սա շատ փոքր թիվ է` համեմատած պատերազմի ժամանակ այնտեղ գտնվող 170.000 զինվորների հետ: Մնացած ողջ զորքը պետք է հեռանա երկրից մինչև տարվա վերջը` բացառությամբ 200 հոգանոց խմբի, որը կպաշտպանի ԱՄՆ դեսպանատունը:
