Չինաստանի Գուանչժոու քաղաքի քիմիական գործարանում պայթյունի պատճառով էվակուացվել է 6000 մարդ: Այս մասին հաղորդում է չինական «Սինհուա» տեղեկատվական գործակալությունը:
Գործակալության տվյալների համաձայն՝ պայթյունը տեղի է ունեցել Futian Chemicals ընկերությանը պատկանող գործարանում: Պայթյունի հետևանքով տուժածների մասին ոչինչ չի հաղորդվում:
Ինչպես հաղորդում է գործակալությունը, վթարի վայրում աշխատում են հրշեջ ծառայության 15 ավտոմեքենաներ և մոտ 90 փրկարարներ: Իշխանությունները սկսել են միջադեպի հետաքննությունը:
France-Presse գործակալությունը նշում է, որ նման կարգի վթարներ Չինաստանում հաճախ են լինում: Փորձագետները, որպես պատճառ, նշում են անվտանգության նորմերի պահպանման թերացումները: