Եմենում ցուցարարների և ոստիկանության միջև նոր բախումներ են տեղի ունեցել, որոնց արդյունքում հինգ մարդ է սպանվել: Նոր բախումները սկսվել են, չնայած այն փաստին, որ մեկ օր առաջ Եմենի նախագահ Ալի Աբդուլահ Սալեհը համաձայանգիր էր ստորագրել, ըստ որի՝ փոխանցում էր իշխանությունը վարչապետին։ Համաձայնագիրը հույս էր ներշնչում, որ երկրում ստեղծված քաղաքական ճգնաժամը կավարտվի:
The New York Times-ը գրում է, որ, եթե համաձայնագիրը թղթի վրա չմնա, Սալեհը կդառնա չորրորդ արաբ նախագահը, ով այս տարի իշխանությունից հեռացվել է քաղաքացիական ապստամբության շնորհիվ:
Միևնույն ժամանակ՝ ոչ մի հույս չկա, որ Սալեհի հեռանալուց հետո երկրում խաղաղություն կտիրի՝ արդեն տասն ամիս տևող քաղաքական անորոշ վիճակից և փողոցային ցույցերից հետո:
Ըստ նոր տվյալների՝ այսօր բախումների ժամանակ նվազագույնը 5 մարդ է սպանվել, իսկ տասնյակ մարդիկ վիրավոր են: