Երևանի ՆԱՏՕ-ի տեղեկատվական կենտրոնում Հայաստանում Գերմանիայի դեսպան Հանս-Յոխեն Շմիդտը, պատասխանելով «Առաջին լրատվականի»՝ ԵԱՀԿ Աստանայի գագաթնաժողովի անարդյունավետության և հետխորհրդային պետությունների հետագա անելիքների մասին, ինչպես նաև հակամարտության կարգավորման վերաբերյալ ընդունված հնգակողմ հայտարարության հարցերին, նշեց. «Աստանայի գագաթնաժողովը պետք է դրական գնահատել, քանի որ այնտեղ ընդունվեցին հայտարարություններ»: Նա կարևորեց հակամարտությունների կարգավորումը՝ նշելով, որ «սառեցված հակամարտությունների էվֆեմիզմ է», որը մեղմ է ասված: Դեսպանը հույս հայտնեց, որ ԵԱՀԿ Մինսկի խումբը կշարունակի առաքելությունը, և հատկապես ընդգծեց, որ Աստանայում Ֆրանսիայի վարչապետը և ԱՄՆ պետքարտուղարը իրենց ելույթներում կարևորեցին ԼՂՀ հակամարտության խաղաղ կարգավորումը: Հարցին, թե ինչպե՞ս է դեսպանը վերաբերվում, որ Սերժ Սարգսյանը չմասնակցեց ՆԱՏՕ-ի Լիսաբոնյան գագաթնաժողովին, Հայաստանում Գերմանիայի դեսպանը պատասխանեց. «Ես միանգամայն ըմբռնումով եմ մոտենում Հայաստանի դիրքորոշմանը, և Հայաստանը շեշտում է կարգավորման երեք սկզբունքները` տարածքային ամբողջականություն, ազգերի ինքնորոշում և ուժի չկիրառում:Այս առումով կարևորում եմ հասարակական դիրքորոշումը և բարձր մակարդակով անցկացվող բանակցությունները: Սակայն ճիշտ եմ համարում Հայաստանի մասնակցությունը և դիրքորոշման ներկայացումը միջոցառմանը»: Դեսպանը նշեց, որ ՆԱՏՕ-ն կարևորում է պաշտոնական Մոսկվայի դիրքորոշումներն ու հանգիստ է վերաբերվում Հայաստանի հետ Ռուսաստանի կնքած՝ ռուսական ռազմաբազաների մասին պայմանագրին, ինչպես նաև Հայաստանի հետ սերտ հարաբերություններին: