Իրանական Mehr News լրատվական գործակալության փոխանցմամբ՝ երեկ Թեհրանի դատախազի որոշմամբ՝ երկու ամիս ժամկետով փակվել է իրանական «Էթիմադ» ռեֆորմիստական շաբաթաթերթը։
Որպես թերթի փակման պաշտոնական պատճառ է նշվում «պաշտոնական անձանց հանդեպ զրպարտությունների ու վիրավորանքների տարածումը»։ Թերթի խմբագիր Իլյաս Հազրեթին հայտարարել է, որ թերթի փակման առիթն ու հիմնական պատճառը մամուլի հարցերով Իրանի նախագահի խորհրդական Ալի Աքբար Ջավանֆեքրիի հետ ունեցած հարցազրույցն է, որում նա քննադատել է Իրանի նախագահի մերձակա շրջապատին։
Հիշեցնենք, որ նախորդ տարվա մարտին Իրանի մշակույթի նախարարության՝ մամուլի վերահսկման կոմիտեն ժամանակավորապես կասեցրել էր երկրի ազդեցիկ ընդդիմադիր թերթերից մեկի՝ «Էթիմադ»-ի գործունեությունը։