Իրանի ռազմաբազայի պայթյունը տեղի է ունեցել միջմայրցամաքային բալիստիկ հրթիռների փորձարկման ժամանակ: Այս մասին հաղորդում է Now Lebanon-ը:
Ըստ գեներալ Մոգադդամի՝ իր եղբայրը, որը զոհվել էր այդ պայթյունի ժամանակ, աշխատել է չափազանց գաղտնի նախագծի վրա: Նա հայտնել է՝ չնայած եղբայրը մահացել է, սակայն այդ նախագիծն իր ավարտին կհասցվի:
Պետական իշխանությունները դեռ չեն մեկնաբանել գեներալի հայտարարությունը: Մինչ այդ նրանք պնդում էին, որ ռազմաբազայում զինամթերքն է պայթել:
Հիշեցնենք, որ նոյեմբերի 12-ին իրանյան ռազմաբազայում պայթյուն էր եղել, ինչի արդյունքում, տարբեր տվյալներով, զոհվել էր 20-ից 36 մարդ: