Արցախի Հանրապետության նախագահ Բակո Սահակյանը նոյեմբերի 18-ին այցելել է Նյու Յորքի Սրբոց նահատակաց հայկական վարժարան և մասնակցել ԼՂՀ անկախության 20-ամյակին նվիրված տոնական միջոցառմանը:
Նախագահը մատաղ սերնդի հայեցի դաստիարակումը համարել է համահայկական նշանակություն ունեցող հիմնախնդիրներից մեկը:
Այս համատեքստում Բ. Սահակյանը բարձր է գնահատել Սրբոց նահատակաց հայկական վարժարանի դերը Սփյուռքում հայապահպանության գործում:
Միջոցառմանը մասնակցել են Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը, ԱՄՆ-ում և Կանադայում ԼՂՀ մշտական ներկայացուցիչ Ռոբերտ Ավետիսյանը, հայ համայնքի ներկայացուցիչներ:
