Երեկ` նոյեմբերի 18-ին, Նյու Յորքում ՄԱԿ-ում ՀՀ մշտական ներկայացուցչությունում Արցախի Հանրապետության նախագահ Բակո Սահակյանի պատվին կազմակերպվել էր պաշտոնական ընդունելություն:
Բ. Սահակյանը կարևորել է ՀՀ մշտական ներկայացուցչության գործունեությունը` ուղղված ՄԱԿ-ում արցախյան հիմնախնդրի ճշմարտացի ներկայացմանը, ինչը դրական ազդեցություն կունենա ԼՂՀ միջազգային ճանաչման վրա:
Միջոցառմանը նա ամերիկահայ բարերար Անդրեաս Ռուբյանին է հանձնել «Վաչագան Բարեպաշտ» մեդալը` նշելով, որ բարերարը կանգնած է եղել արցախյան ազգային-ազատագրական շարժման ակունքներում և այժմ էլ ակտիվ մասնակցություն է ունենում ԼՂՀ զարգացման գործում:
Միջոցառմանը մասնակցել են Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, Արցախի Հանրապետության նախագահի աշխատակազմի տեղեկատվության գլխավոր վարչության պետ Դավիթ Բաբայանը, հայ համայնքի ներկայացուցիչներ:
