The Doors խմբի L.A. Woman ալբոմի վերաթողարկված տարբերակում կներառվի խմբի մինչ այժմ անհայտ She Smells So Nice երգը:
Ինչպես հաղորում է Rolling Stone պարբերականը, երգը վերջերս հայտնաբերել է պրոդյուսեր Բրյուս Բոտնիկը, որն ուսումնասիրում էր The Doors-ի արխիվային ձայնագրությունները` վերաթողարկման համար ստեղծագործություններ առանձնացնելու համար: Երգի մի հատված կարելի է լսել պարբերականի կայքում:
L.A. Woman ալբոմի նոր տարբերակը կթողարկվի 2012 թ. հունվարի 23-ին` նվիրված ալբոմի 40-ամյակին: Այն լույս կտեսնի երկու սկավառակներով և ալբոմի ստեղծման մասին պատմող DVD ֆիլմով:
L.A. Woman ալբոմը թողարկվել է 1971 թ., որի ձայնագրությունից 3 ամիս անց խմբի վոկալիստ Ջիմ Մորիսոնը մահացավ սրտի նոպայից:
