Դերասանուհի Անջելինա Ջոլին պատրաստվում է մարմնավորել ճանապարհորդ, գրող, լուսանկարիչ, հնագետ և քաղաքական գործիչ Գերթրուդ Բելլին, որը պատմության մեջ մտել է «որպես շրջազգեստով Լոուրենս Արաբացի»: Այս մասին հաղորդում է The Hollywood Reporter-ը:
Առաջին համաշխարհային պատերազմի տարիներին արաբերենին և պարսկերենին հիանալի տիրապետող Բելլն աշխատում էր Մերձավոր Արևելքում և համագործակցում բրիտանական հատուկ ծառայությունների հետ` կարևորագույն դեր խաղալով Օսմանյան կայսրության մեջ, մասնավորապես երկու պետությունների` Հորդանանի և Իրաքի ստեղծման գործում: Նա վայելել է ինչպես տեղի առաջնորդների, այնպես էլ բրիտանական իշխանությունների վստահությունը:
Ֆիլմի պրոդյուսերը կլինի Ռիդլի Սքոթը: Ռեժիսորի անունը չի հաղորդվում, սակայն, ամենայն հավանականությամբ, Սքոթը դա նույնպես իր ձեռքը կվերցնի:
