Սիրիահայ համայնքի ներկայացուցիչ, Դամասկոսում բնակվող Գևորգ Գյոնճյանը հավատացնում է, որ այդ երկրի հայ ազգաբնակչությանը ոչ մի վտանգ չի սպառնում:
Նրա խոսքով, «սիրիահայ համայնքը շատ հանգիստ է, ամեն մարդ իր գործն է անում», և այն լուրերը, որ Սիրիայի նախագահ Բաշար Ալ-Ասադին սատարող հայ համայնքի ապագան վտանգված է, իրականությանը չեն համապատասխանում: «Տեղի բնակչությունը հայ համայնքին չի ճնշում, մենք շատ հանգիստ ենք ապրում, ամեն բան նորմալ է, մեզ այստեղ լավ են նայում»,- ասաց սիրիահայ համայնքի ներկայացուցիչը:
Գյոնճյանը միաժամանակ չցանկացավ խորամուխ լինել Սիրիայի ներքաղաքական իրավիճակի մանրամասներին: «Դրսի լրատվամիջոցները սուտ են խոսում, Ասադի վարչակարգի և ընդդիմության տեսակետների միջև տարբերություններ կան, սակայն որևէ լարվածություն չկա»,- նշեց նա:
