Associated Press-ը հաղորդում է, որ Սաուդյան Արաբիան հրատապ է համարում Եվրոպական Միության կողմից բանաձևի ընդունումը, որով ԱՄՆ-ում Սաուդյան Արաբիայի դեսպանի մահափորձ կազմակերպելու համար կդատապարտի Իրանին:
Չորեքշաբթի օրը փակ դռների ետևում քննարկված բանաձը, որը կազմել էին Սաուդյան Արաբիայի ներկայացուցիչները, Իրանից պահանջում է համագործակցել հանուն արդարության, և պատժել նրանց, ովքեր պատասխանատու են մահափորձի պլանավորման համար:
Նշենք, որ հոկտեմբերին ԱՄՆ-ն մեղադրանք էր ներկայացրել երկու տղամարդու դեմ, որոնք կասկածվում էին Սաուդյան Արաբիայի դեսպան Ադել ալ Ջուբեիրի մահափորձը կազմակերպելու մեջ: Այդ երկու տղամարդկանցից մեկը` Ամերիկայի քաղաքացի Մանսուր Արբաբիարը, որը ունի նաև իրանական անձնագիր, ինքն իրեն մեղավոր չի ճանաչել:
