«Տեսակետ» մամուլի ակումբում այսօր ՀԱԿ ներկայացուցիչ Վահագն Խաչատրյանը նշեց, որ արտահերթ ընտրությունները, իր կարծիքով, ցանկացած պահի կարող են տեղի ունենալ:
«Սերժ Սարգսյանը համակարգը ավելի կուռ, ավելի վստահելի է դարձնում»,- նկատեց նա` հավելելով, որ նույնիսկ իշխանություններն են այս փոփոխություններով պատրաստվում արտահերթ ընտրությունների:
«Առաջին լրատվական»-ի հարցին` Իջևանում ԲՀԿ թեկնածուին ՀԱԿ-ի աջակցության մասին տեղեկությունները ՀԱԿ-ի կողմից չհերքվեցին, ՀԱԿ-ը անհանգստություն չունի՞, որ կմարգինալացվի, որովհետև ԲՀԿ-ն կապվում է Ռոբերտ Քոչարյանի անվան հետ, և հայտնի է, թե նա ինչ դերակատարություն է ունեցել Մարտի 1-ին:
«Քանի որ ՀԱԿ անդամ եմ և, կարծես, ոչ պասիվ, նշեմ, որ այդպիսի որոշում չի եղել, որ ՀԱԿ-ը որևէ ուժի պետք է աջակցի, բայց չեմ բացառում, որ նման բան եղած լինի: Համենայնդեպս, սա ՀԱԿ-ի քաղաքականություն չի կարելի համարել: Իսկ եթե կլինեն անհանգստացողներ, թե ՀԱԿ-ը կարող է մարգինալացվել` թող իրենք արտահայտվեն, եկեք առաջ չընկնենք»,- հայտարարեց Վ. Խաչատրյանը:
