Մարսելում ոստիկանությունը գրոհով սխալմամբ մտել է 85-ամյա թոշակառու կնոջ բնակարան, ով շատ է վախեցել: La Provence հրատարակությունը նշում է, որ մեկ ամսվա ընթացքում ոստիկանները երկու անգամ անցկացրել են նման գործողություն և սխալմամբ մտել նույն կնոջ բնակարանը:
Առաջին անգամ էլ նրանք մտել էին Ֆրանչեսկա անունով նույն կնոջ տուն: Այդ ժամանակ թոշակառուի բնակարանի դուռը ջարդել էին, իսկ նրան գցել էին անկողնու վրա և խուզարկել տունը` կոտրելով մի քանի իրեր:
Սակայն հանցագործը, ում նրանք ուզում էին ձերբակալել, կողքի բանկարանում էր:
Ֆրանչեսկայի դուստրը, օգնելով իր մորը, վճարել է ջարդված դռան վերանորոգման դիմաց, սակայն նրա ջանքերն ապարդյուն են անցել, քանի որ երկրորդ անգամ ոստիկանությունը դարձյալ սխալմամբ գրոհով ներխուժել էր նրա տուն՝ ջարդելով դուռը:
Հասցված վնասը գնահատվում է 2000 եվրո: Թոշակառու կնոջ բարեկամները պատրաստվում են բողոք ներկայացնել իրավապահ մարմինների աշխատակիցների դեմ:
