Մեծ Բրիտանիայի ոստիկանությունը ձերբակալել է չորս մարդու, որոնք մեղադրվում են ահաբեկչական խմբավորումներին ֆինանսական աջակցություն ցուցաբերելու և Պակիստանի ահաբեկչական ճամբարում սովորելու մեջ:
Ինչպես հայտնում է Associated Press գործակալությունը, 19-24 տարեկան չորս կասկածյալները ձերբակալվել են նոյեմբերի 15-ին:
Ոստիկանությունը պարզաբանել է, որ ձերբակալությունը պլանավորվել էր ավելի վաղ, և որ այն կապված չէ հասարակությանը սպառնացող վտանգով: Ձերբակալության ժամանակ կասկածյալները նույնիսկ զինված չեն եղել: Նրանց հարցաքննելու համար քննիչներն ունեն 48 ժամ, որից հետո պետք է որոշեն՝ արդյոք ձերբակալվածներին մեղադրանք կառաջադրե՞ն, թե՞ ազատ կարձակեն:
Այս գործողության շրջանակում ավելի վաղ ձերբակալվել էր ութ մարդ, որոնք կասկածվում էին ահաբեկչական գործունեությանը մասնակցելու մեջ: Նրանց բոլորին մեղադրանք է ներկայացվել դատարանում:
