Ադրբեջանական ANS PRESS-ի փոխանցմամբ՝ այսպես կոչված «Ղարաբաղի ազատագրման կոմիտեն» (ՂԱԿ) դիմել է Միլլի մեջլիսի (խորհրդարան) խոսնակին ու պատգամավորներին՝ նոյեմբերի 20-ը «Հայկական տեռորի զոհերի հիշատակի օր» հայտարարելու խնդրանքով։
ՂԱԿ-ն ընդգծել է, որ 20 տարի առաջ նոյեմբերի 20-ին իրականացված «հայկական ահաբեկչության» արդյունքում վայր է գցվել հակամարտության գոտի ուղևորվող ինքնաթիռը, և «հատուկ դաժանությամբ սպանվել» են Ադրբեջանի պետական ու հասարակական գործիչներ, լրագրողներ ու օտար դիտորդներ։
ՂԱԿ-ի տվյալներով՝ 1988-1994 թվականներին Հայաստանն Ադրբեջանի տարածքում «իրականացրել է 32 ահաբեկչական ակտ», ինչի արդյունքում զոհվել է ավելի քան 2000 մարդ։ ՂԱԿ-ը չի մոռացել նաև 1905-1906 և 1918-1920 թվականների իրադարձությունների մասին։