Իրանական Irib News հեռուստատեսության կայքի փոխանցմամբ՝ Իրանի գերագույն առաջնորդ այաթոլա Ալի Խամենեին, Գադիր-Խում կրոնական տոնի հետ կապված, ստորագրել է 912 բանտարկյալների համաներման հրամանը։ Խոսքը քաղաքական գործիչների, զինվորական և քաղաքացիական անձանց ազատարձակման մասին է։
Նշվում է, որ կրոնական տոնի հետ կապված՝ Իրանի դատական համակարգի ղեկավար Սադիգ Ամոլի Լարիջանին 912 բանտարկյալների համաներման հարցով դիմել է Խամենեիին, որն էլ ընդառաջել է նրան։
Այսօր շիա մուսուլմանները նշում են Մուհամեդ մարգարեի կողմից իսլամական համայնքի ղեկավարումը իմամ Ալիին հանձնելու հիշատակը։
