Rolex ձեռքի ժամացույցը, որը 1973 թվականին էկրան բարձրացած «Ապրիր և թույլ տուր մահանալ» ( Live and Let Die) բոնդական ութերորդ ֆիլմում կրում էր դերասան Ռոջեր Մուրը, վաճառվել է Ժնևում` Christie’s աճուրդում, 180 հազար շվեցարական ֆրանկով (198 հազար դոլար):
Ինչպես հայտնում է France-Presse գործակալությունը, նախքան աճուրդի սկսվելը, Ջեյմս Բոնդի ժամացույցը գնահատվում էր 200-400 հազար շվեցարական ֆրանկ, սական գնորդների մեջ ժամացույցի համար այդքան բարձր գին վճարող չկար: Գնորդը, որը ցանկացել է անհայտ մնալ, առաջարկել է 180 հազար ֆրանկ այն բանից հետո, երբ ժամացույցի համարն անցել էր:
Submariner ժամացույցը կարող է պարծենալ շարժական սղոցով, որը Բոնդին օգնեց փրկել գուշակ Սոլիտերին շնաձկից: Ֆիլմի սցենարով՝ ժամացույցը հագեցած էր նաև մագնիսական դաշտի ուժեղ գեներատորով, որի օգնությամբ Բոնդը կարող էր ոչ միային պաշտպանվել գնդակներից, այլ նաև իր հավանած կնոջ զգեստի ճարմանդը քանդել:
Հանձնաժողովը ներկայացրել է գործակալ 007-ի ժամացույցների արժեքը, որը կազմել է 219 հազար շվեյցարական ֆրանկ:
