Արտակարգ իրավիճակների նախարարությունից «Առաջին լրատվական»-ին տեղեկացնում են, որ նոյեմբերի 14-ին` ժամը 11:30-ին, ահազանգ է ստացվել, որ Լոռու մարզի Գոգարան գյուղում տուն է այրվում:
Հրդեհի հետևանքով տարբերի աստիճանի այրվածքներ են ստացել 3 երեխա, ովքեր անմիջապես 1-03 ծառայության կողմից տեղափոխվել են Սպիտակի հիվանդանոց:
Դեպքից անմիջապես հետո առողջապահության նախարարի հանձնարարությամբ համապատասխան մասնագետները գործուղվել են Սպիտակի հիվանդանոց:
Երևանից Սպիտակ է ուղարկվել նաև արագ արձագանքման ռեանիմոբիլը՝ անհրաժեշտության դեպքում երեխաներին մայրաքաղաք տեղափոխելու համար:
Տուժածների առողջական վիճակը գնահատելուց հետո մասնագետները 2 երեխաներին տեղափոխել են Երևան:
Երեխաներից մեկը ներկայում գտնվում է Ճառագայթաբանության և այրվածքների կենտրոնի վերակենդանացման բաժանմունքում, մյուսը՝ «Սուրբ Աստվածամայր» բժշկական կենտրոնի վերակենդանացման բաժանմունքում:
Ըստ մասնագետների՝ երկուսի վիճակն էլ ծայրահեղ ծանր է:
Տուժած մյուս երեխայի կյանքը, չնայած մասնագետների ջանքերի, հնարավոր չի եղել փրկել:
Երեխան մահացել է Սպիտակում:
Այժմ առողջապահության նախարարության ներկայացուցիչները վերոհիշյալ հիվանդանոցներում են՝ անհրաժեշտության դեպքում աջակցություն ցուցաբերելու համար:
