Նորվեգացի ահաբեկիչ Անդերս Բրեյվիկը դատարանի դահլիճում կհանդիպի է իր կողմից իրականացված ահաբեկչությունների հետևանքով մահացածների հարազատների և նրանց հետ, ովքեր կենդանի են մնացել ահաբեկչությունից հետո:
Ինչպես հայտնում է Вести-ն, Բերյվիկի գործով հերթական դատական լսումները Օսլոյի շրջանային դատարանում բաց կլինեն բոլոր ցանկացողների համար: Չնայած սկզբնապես հայտարարվել էր, որ Բրեյվիկի դատալսումներին կկարողանան մասնակցել միայն լրագրողներն ու մահացածների հարազատները, իսկ անվտանգության նկատառումներով Բրեյվիկը ցուցմունքներ էր տալու անմիջապես բանտախցից, տեսակապի օգնությամբ, սակայն նրա փաստաբան Գեյր Լիպպեստադը հայտարարել է, որ կատեգորիկ դեմ է տեսակապի միջոցով ցուցմունք տալուն, քանի որ այն թույլ չի տա ճիշտ կարծիք կազմել Բրեյվկիի առողջության վերաբերյալ, որը 2011 թվականի հուլիսից մեկուսացվել է:
Հիշեցնենք, որ այս տարվա հուլիսի 22-ին նորվեգացի ահաբեկիչ Անդերս Բրեյվիկը սպանդ էր կազմակերպել Ուտեյա կղզում, որտեղ այդ պահին տեղի էր ունենում Նորվեգիայի աշխատավորական կուսակցության երիտասարդական հավաքը: Բրեյվիկը կրակել էր 69 մասնակիցների վրա։ Մինչ այդ էլ ութը զոհվել էին Օսլոյում նրա իրականացրած պայթյունների հետևանքով:
