Բահրեյնի անվտանգության ուժերն արցունքաբեր գազ են օգտագործել Մանամայի հրապարակներից մեկում հավաքված հարյուրավոր ցուցարարներին ցրելու համար: Այս մասին հաղորդել է Al Jazeera հեռուստաալիքը:
Ականատեսներն ասում են, որ ցուցարարները հրապարակ էին եկել շիական ընդդիմության առաջնորդներից մեկի հոր թաղման արարողությունից հետո:
78-ամյա Ալի Հասան Ալ-Դեհին մահացել է հինգշաբթի օրը: Ընդդիմությունը պնդում է, որ նա մահացել է այն բանից հետո, երբ նրան ցույցի ժամանակ ծեծել են ոստիկանները:
Ալի Հասան Ալ-Դեհին Հուսեյն Ալ-Դեհիի հայրն է եղել, ով համարվում է շիական ընդդիմության առաջնորդներից մեկը:
Այսօր տեղի ունեցած բախումների ժամանակ տուժածների մասին տեղեկություններ չկան:
