Բրիտանացի հայտնի ռոք երաժիշտ, The Who խմբի առաջնորդ Փիթ Տաունսենդը երաժշտական ծառայություն մատուցող iTunes-ին անվանել է «թվային վամպիր»: Նա հայտարարել է, որ այս օնլայն-խանութը օգուտ է ստանում ուրիշի ստեղծագործությունների հաշվին ` հաճախ խախտելով վերջիններիս հեղինակային իրավունքները:
Ելույթ ունենալով Բրիտանիայում անցկացվող ռադիոփառատոնին՝ լեգենդար ռոք կիթառահարը հայտարարել է, որ iTunes-ը պետք է հնարավորություն տա իր ծառայություններից օգտվել նաև արտիստներին և երաժշտական հրատարակություններին: Բացի այդ, նրա կարծիքով` ավելի լավ կլիներ, եթե iTunes-ը ոչ այդքան հայտնի կատարողներին վճարեր ոչ թե երրորդ անձի միջոցով, այլ անմիջականորեն:
Այսօրվա դրությամբ iTunes ինտերնետ ծառայությունն աշխարհում խոշորագույն օնլայն խանութն է, որտեղ վաճառվում են թվային աուդիո, վիդեո, խաղային արտադրանքներ, հեռախոսասարքեր ու գրքեր: