Մեծ Բրիտանիայում հայտնաբերվել է այն կատուն, որին 2010 թ. իր պատգամավոր ամուսնու` Ջոն Հեմինգի սիրուհու տնից գողացել էր Քրիստին Հեմինգը:
Ինչպես հեռախոսազանգով պատգամավորին տեղեկացրել է Բիրմինգհեմի բնակիչներից մեկը, «Սիրունիկ» անունով կատուն գտնվում է իր տանը:
Սիրունիկն անհետացել էր 2010 թ. սեպտեմբերին: Քրիսթին Հեմինգը ներխուժել էր ամուսնու սիրեցյալի` Քրիստին Կոքսի բնակարան ու սենյակից դուրս բերել կատվին:
Հիշեցնենք, որ դատարանում ելույթի ժամանակ Ք. Հեմնինգը հայտարարել էր, թե հիշում`ինչ է արել կատվին: Երբ կինը հասկացել է, որ կատուն գտնվում է իր ձեռքին, այն թողել է տնից 30 մետր հեռավորության վրա`այն հույսով, որ կատվիկն ինքնուրույն կգտնի տան ճանապարհը:
Ինչպես գրում է The Daily Telegraph-ը, կատվիկը թափառել է քաղաքում, ու նոյեմբերին նրան գտել է Բիրմինգհեմի բնակիչ Շեյլա Բեյթսը: Կինն սկսել է խնամել ու հոգ տանել կատվի մասին:
Պատրաստվո՞ւմ են արդյոք Կոքսն ու Հեմինգը հետ վերցնել կատվին՝ առայժմ հայտնի չէ:
Ք. Հեմինգը կատվին գողանալու համար դատապարտվել էր 9 ամսվա պայմանական ազատազրկման: Բացի այդ, նրան պարտադրել էին կատարել հասարակական հանրօգուտ աշխատանք ու վճարել տուգանք:
Վճիռը հրապարակվել էր մի քանի օր առաջ:
