«Ամերիկյան քաղաք Դենվերում (նահանգ Կոլորադո) ոստիկանները ուժ են գործադրել ընդդիմության դեմ»,- հայտնում է CBS-ն: Օրինապահները ռետինե փամփուշտներ և արցունքաբեր գազ են արձակել ցուցարարների վրա: 20 մարդ ձերբակալված է:
Իրավիճակը թեժացել է, երբ մոտ 2000 ցուցարարներ փորձել են մտնել Կապիտոլիում: Վերջինիս անվտանգության աշխատակիցները խնդրել են ոստիկանությանը միջամտել:
Տեղական ոստիկանության ներկայացուցիչ Մետա Մյուրեն Denver Post-ին ասել է, որ ցուցարարները մոտոցիկլետից ներքև են գցել մի ոստիկանի և հարձակվել են այլ սպների վրա: Տեղի ունեցածի արդյունքում 20 մարդ ձերբակալվել է:
Մյուրեն նշում է, որ բախումների ժամանակ տուժած մարդկանց բուժօգնություն է ցույց տրվել:
ՍԵպտեմբերի 17-ից Նյու Յորքում ‹‹Գրավել Ուոլ Սթրիթը›› շարժումից հետո ցույցերը շարունակվում են տարբեր քաղաքներում: Ցուցարարները բողոքում են ֆինանսական ընկերություններից:
AFP-ն հայտնում է, որ ցույց է կազմակերպվել նաև Վաշինգտոնում՝ ԱՄՆ ֆինանսների նախարարության դիմաց:
Չնայած վատ եղանակային պայմաններին՝ ցուցարարները շարունակել են իրենց բողոքի ակցիան՝ պահանջելով հարկեր դնել խոշորագույն բանկերի վրա:
