Ավստրալական Qantas ավիաընկերության աշխատակիցների գործադուլի հետևանքով ավելի քան 70 չվերթ է հետաձգվել, ինչի հետևանքով շուրջ 10 հազար ուղևորներ մնացել են Ավստրալիայի օդանավակայաններում:
Ինչպես հաղորդում է gazeta.ru-ն, Qantas-ի գլխավոր գործադիր տնօրեն Ալան Ջոնսը այս կապակցությամբ ներողություն է խնդրել ուղևորներից:
«Մենք կոչ ենք անում արհմիություններին դադարեցնել (գործադուլները), ավելի իրական պահանջներ առաջ քաշել և մտածել այն աշխատատեղերի մասին, որոնք նրանք սպառնալիքի տակ են դրել ամբողջ երկրում»,- ասել է նա:
Տրանսպորտային արհմիությունից նշել են, որ Qantas-ի աշխատակիցները օդանավակայաններում աշխատանքի դուրս կգան տարբեր ժամերի:
Ավիաընկերության տվյալներով աշխատակիցների գործադուլների պատճառով տուժել է ավելի քան 70 հազար ուղևոր: Աշխատակիցները պահանջում են բարձրացնել իրենց աշխատավարձերը։
