Աշխարհը բուռն զարգացման շրջան կթևակոխի, երբ մոլորակի բնակչության թիվը հատի 7 մլրդ-ի սահմանը: Այս մասին ասվում է ՄԱԿ-ի ազգաբնակչության հիմնադրամի զեկույցում:
«Ճիշտ պլանավորման և ճիշտ ներդրումների դեպքում մեր 7 միլիարդանոց աշխարհում մարդիկ կունենան ծաղկող քաղաքներ, արդյունավետ աշխատուժ, որը կխթանի տնտեսական աճը»,- ասվում է զեկույցում:
Ինչպես հաղորդում է Интерфакс գործակալությունը, հետազոտողների կարծիքով` երկրի երիտասարդ բնակչությունը կապահովի տնտեսական և արդյունաբերական աճ, իսկ տարեցներն ավելի երկար կպահպանեն սոցիալական ակտիվությունը: Որոշ մասնագետներ, սակայն, կասկածանքով են վերաբերվում այս զեկույցին, քանի որ ներկայիս սուր գործազրկության պայմաններում բնակչության աճը միայն խորացնում է այդ խնդիրը և ապակայունացնում երկրներում սոցիալական իրավիճակը:
Հիշեցնենք՝ ավելի վաղ ՄԱԿ-ը հաղորդում էր, որ հոկտեմբերի 31-ին աշխարհի բնակչությունը կդառնա 7 մլրդ:
