Վենեսուելայի նախագահ Ուգո Չավեսը հայտարարել է, որ դեռ վաղ է խոսել նավթարդյունահանող երկրների կազմակերության (ՕՊԵԿ) կազմում Լիբիայի ապագայի մասին: Հոկտեմբերի 26-ին լրագրողների հետ հանդիպման ժամանակ նա նշել է, որ այդ հարցի շուրջ դեռ պետք է խորհրդակցել կազմակերպության անդամ մյուս երկրների հետ: Այս մասին հաղորդում է ИТАР-ТАСС գործակալությունը:
Նրա խոսքերով՝ ՕՊԵԿ-ը նախկինում մեծ ճկունություն էր դրսևորում նման հարցերում: Այդպես եղավ Իրաք ներխուժումից հետո,- հիշեցրել է Չավեսը: Նրա խոսքերով՝ Վենեսուելայի էներգետիկայի և նավթի նախարար Ռաֆայել Ռամիրեսը պետք է խորհրդակցի ՕՊԵԿ անդամ-երկրների իր գործընկերների հետ, որպեսզի մշակեն միասնական դիրքորոշում` ուղղված նավթի գների պահպանմանը:
Չավեսը նշել է, որ Լիբիայում պահպանվում է անորոշ դրությունը: Կարակասը չի ճանաչում Լիբիայի նոր կառավարությունը, որը հիմնվել է «ցեղասպանության և երկրի առաջնորդի սպանության» հիմքի վրա:
