Ադրբեջանական 1news.az-ի փոխանցմամբ՝ Թուրքիայի էներգետիկ ու բնական պաշարների նախարար Թաներ Յըլդըզն անդրադարձել է երեկ Իզմիրում տեղի ունեցած Թուրք-ադրբեջանական ռազմավարական համագործակցության բարձր մակարդակի նիստի շրջանակներում թուրք-ադրբեջանական գազային համաձայնագրերի փաթեթի կնքմանը.
«Այդ փաթեթը վերաբերում է ադրբեջանական գազի առք ու վաճառքին, թուրքական տարածքով ադրբեջանական գազի տարանցմանը, երկու երկրների էներգետիկ համագործակցությանը։
«Ադրբեջանական գազի՝ դեպի Եվրոպա արտահանման համար չի մնացել որևէ խոչընդոտ։ Ադրբեջանական «Շահ Դենիզ» գազային հանքավայրի երկրորդ փուլի մշակման արդյունքում ստացվելիք գազը Եվրոպա կհասնի 2017 թվականի վերջին- 2018 թվականի սկզբին»։
Հիշեցնենք, որ ավելի վաղ նշվում էր, թե Ադրբեջանը պետք է «Շահ Դենիզի» երկրորդ փուլի արդյունքում ստացվելիք գազից տարեկան 6 միլիարդ խորանարդ մետր գազ հատկացնի Թուրքիային և 10 միլիարդ խորանարդ մետր գազ նրա տարածքով տարանցի դեպի Եվրոպա։
