«Բանակն իրականում» քաղաքացիական խումբն այսօր «Առաջին լրատվական»-ի միջոցով ևս մեկ անգամ ներողություն է խնդրում ու պարզաբանում ծագած թյուրիմացությունը` կապված Վարդգես Գասպարիի հետ:
«Բանակն իրականում» նախաձեռնող խմբի հայտարարության համաձայն`հոկտեմբերի 22-ին Վարդգես Գասպարիի խափանման միջոցը՝ կալանքը, գրավով փոխարինելու դատարանի որոշումից հետո, ժամ և րոպե առաջ նրան ազատության մեջ տեսնելու մղումով բոլորն աշխատել են գրավի գումարը որքան հնարավոր է արագ վճարել, որի պատճառով էլ թույլ է տրվել տեղեկատվության անճշտություն վճարողների մասին:
Վերջիններս տեղեկացնում են, որ գրավի գումարը վճարվել է ՀԱԿ-ի և մասնավոր անձանց կողմից:
«Բանակն իրականում» խումբը տեղեկացնում է, որ շարունակելու է հանգանակությունը՝ քաղաքացիական մասնակցություն ապահովելու նկատառումով:
«Մենք կսպասենք քաղաքացիների հանգանակություններին «Թրանսփարենսի Ինթերնեյշնլի» գրասենյակում. հասցե` Այգեստան, 9րդ փողոց, տուն 6 (Ջոն Կիրակոսյանի` Ձերժինսկու անվ. դպրոցից 100 մետր աջ): Մեր համարները` 093-447643, 091-433278, 091-520204, 091-200971»,- նշված է հայտարարությունում:
