Ռուսական Regnum լրատվական գործակալության փոխանցմամբ՝ իրենց տարածաշրջանային այցի նախաշեմին ԵԱՀԿ Մինսկի խմբի համանախագահներ Ռոբերտ Բրադտկեն (ԱՄՆ), Բեռնար Ֆասիեն (Ֆրանսիա) և Իգոր Պոպովը (Ռուսաստան) հայտարարել էին, որ մշակում են շփման գծում լարվածության նվազեցմանը և հակամարտող կողմերի միջև փոխադարձ վստահության ձևավորմանն ուղղված պլան։
Բրադտկեն հայտարարել է, որ անհրաժեշտ է կայունացնել իրավիճակը և բացառել հրադադարի ռեժիմի խախտման դեպքերը, որոնք հանգեցնում են մարդկային կորուստների։
Իսկ Իգոր Պոպովը հայտարարել է. «Մեր հանդիպումների ժամանակ մենք քննարկել ենք հակամարտող կողմերի միջև լարվածության նվազեցմանն առնչվող խնդիրները և մասնավորապես շփման գծում գրանցվող միջադեպերի հետաքննման մեխանիզմները, որոնք ավելի վաղ հանձնվել են հակամարտող կողմերի դիտարկմանը։
Շփման գծում լարվածության նվազեցման համար պետք է գործել մի շարք ուղղություններով։ Դա մասնավորապես վերաբերում է Հայաստանի և Ադրբեջանի հոգևոր առաջնորդներին»։
