Լիբիայի ազգային անցումային խորհրդի (ԱԱԽ) ղեկավար Մուստաֆա Աբդել Ջալիլը հայտարարել է, որ Լիբիայի իրավական համակարգի հիմքում կդրվեն շարիաթի օրենքները:
«Որպես մուսուլմանական երկիր` մենք ընդունել ենք շարիաթի օրենքները՝ որպես օրենսդրության հիմք, ուստի ցանկացած օրենք, որը հակասում է իսլամի սկզբունքներին, չեղյալ կհամարվի»,- ընդգծել է նա` ելույթ ունենալով Բենղազիում Լիբիայի նոր իշխանությունների համախոհների գագաթնաժողովում:
Ինչպես հաղորդում է ИТАР-ТАСС-ը, իր ելույթից առաջ ԱԱԽ ղեկավարը ծնկի է եկել՝ աղոթելու: Աբդել Ջալիլը, սակայն, չի հստակեցրել, թե ինչ չափով են հետևելու մուսուլմանական իրավունքի նորմերին:
Շարիաթի նորմերը ձևավորվել են վաղ միջնադարում: Այս կամ այն չափով դրանք գործում են մի շարք մուսուլմանական երկրներում` Պակիստանում, Սուդանում, Աֆղանստանում:
