Հայաստանի ազգային պատկերասրահում հայ հանդիսատեսը ևս երկու օր կկարողանա դիտել սյուրռեալիստական ուղղության հայտնի նկարիչներ Սալվադոր Դալիին, Հանս Բելմերին, Լեոնոր Ֆինիին, Ջորջո դե Կիրիկոյին նվիրված՝ 160 տպագիր գրաֆիկայի ցուցահանդեսը։
Այս բացառիկ ցուցադրությանը ներկայացված են աբստրակցիոնիզմի հիմնադիր Վասիլի Կանդինսկու գրաֆիկական թերթերը` քսիլոգրաֆիաները, «Արժիլե» պատկերասրահի (ԱՄՆ, Լոս Անջելես) տնօրեն Քրիստին Արժիլեի հավաքածուից: Վերջինս այս օրերին Երևանում է և այսօր ցուցահանդեսի շրջանակում հանդիպում-քննարկում անցկացրեց ցուցահանդեսով շահագրգռված անձանց հետ:
Հիշեցնենք, որ ներկայացված են նաև այն հայ նկարիչների ստեղծագործությունները, որոնց աշխատանքների վրա առկա է սյուրռեալիզմի ազդեցությունը՝ Եր. Քոչար, Հ. Հակոբյան, Լ. Թութունջյան, Գ. Խաչատրյան, Ս. Փարաջանով և այլք:
