ՄԱԿ-ի Անվտանգության խորհրդի անդամները հայտարարել են, որ Պաղեստինի կողմից ՄԱԿ-ին անդամակցության հայցի ուսումնասիրության կոմիտեն պետք է այդ հարցով զեկույց ներկայացնի 2011 թ. նոյեմբերի 11-ին:
Ինչպես հաղորդում է Assosiated Press-ը, առայժմ հայտնի չէ՝ զեկույցում ինչ դիրքորոշում կարտահայտվի հարցի վերաբերյալ: ԱԽ անդամների ներկայացուցիչներից մեկի խոսքերով` եթե դիվանագետները ընդհանուր համաձայնության չգան, զեկույցն իրենից կներկայացնի բոլոր տեսակետների կրճատ տարբերակը:
Հիշեցնենք, սեպտեմբերի 23-ին Պաղեստինի ինքնավարության նախագահ Մահմուդ Աբբասը պաշտոնական հայց էր ներկայացրել ՄԱԿ` կազմակերպությանն անդամակցության համար:
