Երկուշաբթի օրը Լիբանանի նախկին վարչապետ Ռաֆիկ Հարիրիի սպանության գործով զբաղվող դատարան հայց է ներկայացվել: Հայցում ասվում է, որ պետք է հեռակա կարգով դատել «Հիզբոլլահ» խմբավորման չորս անդամների, որոնք կասկածվում են վարչապետի սպանության մեջ: Այս մասին հայտնում է BBC-ն:
Հայցը ուղարկել են նախաքննական մարմինները:
Հիշեցնենք, որ այս տարի «Հիզբոլլահ» շիական խմբավորման անդամներին մեղադրանք էր առաջադրվել, սակայն «Հեզբոլլահ»-ը հրաժարվել էր նրանց հանձնել Լիբանանի դատարանին` ասելով, որ նրանք որևէ առնչություն չունեն 2005 թվականի փետրվարին Բեյրութի կենտրոնում տեղի ունեցած ռումբի պայթյունի հետ: Այդ պայթյունի արդյունքում էլ մահացել էր վարչապետ Հարիրին և ևս 22 մարդ:
